Tann 4. mars verður aftur álitisfólkaskeið

Hesaferð er tað Føroya Arbeiðarafelag og Havnar Arbeiðarafelag, ið saman skipa fyri søguskeiðinum: Arbeiðarafeløgini – garanturin fyri vælferðarsamfelagnum.

Skeiðshaldari verður Helgi Eidesgaard, ið bæði hevur skrivað bókina um Havnar Arbeiðarafelag og bókina um Føroya Arbeiðarafelag

So vilt tú vita meiri um hvat 'Stríðið um kontantin' var, hví tað var neyðugt at fara í stríð ímóti bretska hersetingarvaldinum, og hví aðalverkfallið í 1951 gjørdist so hart, so er bara at melda til. Tí á hesum skeiði fært tú innlit í hesi – og nógv onnur – stríð, sum arbeiðarafeløgini hava tikið fyri føroyska arbeiðaran, og hví hesi stríð vóru neyðug at taka.

Vit gleða okkum til ein spennandi dag saman við okkara álitisfólkum

Skeiði verður í hølunum hjá Havnar Arbeiðarafelag á Tinghúsvegnum í Havn, tann 4. mars klokkan 09.00-15.00.

Tilmeldingarfreistin er mánadagin 2. mars klokkan 12.00 og fer fram við at senda ein teldupost til fafelag@fafelag.fo